Sirang Plaka

Bata pa nang simulang hangaan ang mga pulitiko

Naniwalang sila’y makapagdadala ng pagbabago

Ngunit sa huli’y ako ang nabigo, dusa inabot ko

Ang pangarap ko’y nawala na parang pumutok na lobo

Bansang Pilipinas ay hawla ng mga TraPo

Mga salita dito’y puro na lamang “pangako”

Kabataang tulad ko ay umiinit ang ulo

Plaka sana’y uminit, mag-apoy at maging abo

Dapat mga sirang plaka’y nasa aparador na

Dahil nakakasawa nang pakinggan

Hindi mo mawari kung tutunog pa ng maganda

Paano na kaya ang kinabukasan ng mga kabataan

‘Di ko saklaw ang Pilipinas na Arkepelago

Pati na rin ang mga pag-iisip ng tao

Ngunit sana tayo’y mag-isip nang alternatibo

Bansa’y nangangailangan ng totoong pagbabago

First published as a requirement in MP10 class, second semester of the S.Y. 2009-2010
THIS IS A PRODUCT  OF A CLASS ACTIVITY wherein we the students were asked to bring something that we found in our package or anywhere, and we were asked to make a poem out of the found stuff.