IBIG KONG MAKITA

Ibig kong makita ang isang paraiso sa lupa
Na dito sa sariling bansa natin makikita;

Ibig kong makita ang mga punong kahoy na hindi dumarapa

Sa ano mang laban babangon at babangon siya;

Ibig kong makita ang mga bulaklak na magaganda

Nagbibigay kulay sa dampa ng madla;

Ibig kong makita ang mga ibon na lumilipad nang malaya

Hindi nagpapatinag sa lakas ng himbalos ng hanging kinahaharap niya;

Ibig kong makita ang malinis na ilog sa tabi ng kalsada

Na hindi tinatapunan ng ano pa mang uri ng basura;


Ibig kong makita ang mga Iskolar na laging bukas ang ideya

Sa mga alternatibo at pag-aaral na kakaiba;


Ibig kong makita ang mga taong may disiplina
Saan mo man iwanan ay nakasisigurado ka;


Ibig kong makita ang isang malayang pamamahayag para sa masa

Walang halong pansariling interes o ano pa mang agenda

Ibig kong makita ang isang malinis na pamamahala

Walang bahid ng ano mang katiwalian sa kanilang pag-gawa;

Ibig kong makita ang ating bansa na mapayapa

Walang ng sigalotan at giyera saan mang panig ng mga isla.

First published as a requirement in Malikhaing Pagsulat 10, 2nd Semester, 2009-2010.