Makapageget ya eksamin o siak labat man

Sangairapan ya so sakey ya eksamin no aga ka akapanaral ya maong. Amay ineksamin mi nen neman et sakey o dinu amay sangkairapan lan eksamin ya asagutan ko ed bilay ko ed kolehiyo ta aga ak akapan-aral ni akapanbasa ya maong. Aliwa ni may inusar kun babasaen ed samay inusar ya maestrak.

Ag ko ni anta nu anto kasi so naliliknak natan ya isusulat ko ya, kakasumpal ya eksamin tan singa ag ko la labay ya mandengel ed samay maestra mi ta nababingan ak- paanunto nu i-tsek tu la may papel ko ey, di kababaing ed sikato. Nagegeget ak ed say sarilik ta nu kapigan saksakey labat la su akeran klase natan ya summer et aman met ni may panaon ya ag ko la siseryosoen so babasaen.

Say makapanpapaliket labat ed say siak natan et amay akaibak may inarok nen labi. Aman labat so makapanpapapaway ya imis ko natan, anggano la nagegeget ak ya maong ed say sarilik ta impyano abeba so naalak ed samay butit ya eksamin mi ed kurson Rizal.

Insulat ed loob ya klase ed CAL 408. In-blog ed loob ya Soksay ya pasen ed Main Lib.